百利姐妹裙怪談

剛做了朋友K的姐妹，好多謝新娘子為我們準備的姐妹裙，每個姐妹都著得好美，是一條BB黃的姐妺裙，我最喜愛的顏色。不過造裙的舖頭真的令人咋舌，這間舖頭位於百利，舖內只有一個頭髮縫鬆老闆娘，我覺得可算是婚事怪談。

怪談(1) - 永遠不合身的姐妹裙

朋友結婚前，我們每位姐妹都親自到這間舖頭試裙，每人都Fitting了兩次，心想應該沒有大問題，連老板娘自己都拍心口叫我們放心。點知結婚當日，差不多每條姐妹裙都唔啱，唔係上身太闊就是裙腳太長。如果唔扣扣針跟本著不到，可以想像個Size是非常之不合身。最恐怖係冇一條裙是改得啱身的!

怪談(2) - 永遠打不通的電話

這間舖頭的電話係永遠打不通的。雖然卡片有印上電話號碼，但是老板娘是永遠不會接聽的。試過一次，我只係想打去問佢幾時收舖，想係放工後去試裙，點知打極都沒有人聽。一次上去舖頭問老闆娘點解個電話長期冇人接，原來佢永遠都不會接電話的，佢叫你SMS佢 (不是Whatapps)，而佢收左你SMS後都唔會立即回覆你的。最搞笑係佢舖頭有電話的，佢同我講，打電話冇用，不段話自己好忙，真的不可思議~

怪談(3) - 怨氣貞子

有一次，我上佢舖頭試裙時，有個客問佢幾時有裙，佢立即話人地成日催佢，非常之勞氣，又埋怨個客唔比時間佢做野。佢講: 「都叫你地唔好催我攞，我好忙呀，我真係好忙嫁，我有抄底你地D尺串嫁，我好趕呀....」你會Feel到佢勁多怨氣又忟憎，語氣又唔耐煩。見到佢咁，加埋佢縫鬆的髮型，我真的有些心寒。

怪談(4) - 沒有招牌的舖頭

舖頭門口是沒有招牌的，門外有一個鐵架上掛著一堆(舊)衫裙，而門口上面有著一"達達"的橙色的油漆，而當你望入去舖頭，你會看到一位頭髮縫鬆、奇奇怪怪的老闆娘坐在舖頭中間。當(有些)客人進入了這個沒有招牌的舖頭後，就好像中了鋼頭咁，會自動貼錢買難受呀...

以上故事如有雷同，實非巧合。本人的親身經歷，分享各位姐妹。希望各位好運，不會遇上這種怪事。